Hornstrandir -  Hornbjarg - Látravík – Hornbjargsviti - Óvissuferðir

 

• Hornbjargsviti var byggður árið 1930 og hefur síðan haft sérstöðu í huga Íslendinga.

• Bara nafnið, kallar fram í hugann myndir frá Hornströndum, blómum skrýddar bæjarrústir eða þverhnípt björg, iðandi fuglalíf og refur sem horfir eftir bráð.

• Nú er rekin ferðaþjónusta í þessu sögufræga húsi, í einstöku umhverfi.

• Frá Látravík eru góðar gönguleiðir vítt og breitt um Hornstrandir, sérstaklega í Hornvík, á Hornbjarg og Kálfatinda.

• Þar er gistiaðstaða fyrir allt að 50 manns.

• Þar er gott eldhús með öllum búnaði, þar eru rafmagns og gaseldavélar.

• Þú tekur með þér hráefni í matargerð, annað er á staðnum.

• Við höfum gott kolaútigrill, þú hefur með þér kol.

• Það er sofið í rúmum og kojum í 7 aðskildum herbergjum, þú hefur með þér svefnpoka eða rúmföt.

• Það er sturta í húsinu sem tekur við 100 kr. mynt.

• Góð aðstaða er í húsinu til að þurka blaut föt og skó.

• Einnig bjóðum við upp tjaldsvæði með aðgang að vatnssalernum, góðu vatni og inniaðstöðu í gömlu útihúsi.

• Við viljum ekki að fólk taki með sér hunda í Látravík, þar er refurinn okkar húsdýr og við viljum ekki að gestir okkar missi af þeirri upplifun að sjá refapar með allt að 9 yrðlinga leika sér í nokkurra metra fjarlægð frá fólki við húsið.

• Ef ólendandi er í Látravík vegna veðurs, er lent í Hornvík og gengið yfir til okkar. Þetta hefur einu sinni gerst á 4 árum.

• Við bjóðum ykkur velkomin og munum aðstoða ykkur við val á gönguleiðum og útbúnaði. Það er líka hægt að koma og vera kyrr í Látravík, það er engin þörf á að æða um öll fjöll ef þér líður þannig, við vitum að þér á ekki eftir að leiðast!

• Það er orðið ákaflega vinsælt að sigla úr Norðurfirði í Látravík og gista þar 2-4 nætur, skoða Hornbjarg, Hornvík og næsta nágrenni. Ganga síðan suður strandir í Hrollaugsvík, Smiðjuvík, Barðsvík og gista í Bolungavík. Ganga þaðan í Furufjörð, Þaralátursfjörð og í Reykjarfjörð. Þaðan er svo hægt að sigla aftur í Norðurfjörð. Þetta er 4 til 7 daga ferð, gist í húsum eða tjöldum, eða bæði. Hægt er að fá allan farangur fluttan á milli staða.

 

Hafðu samband við Óvissuferðir ehf. og komdu vestur - við tökum vel á móti þér.

Með kveðju, Ævar og Una Lilja.